राष्ट्रको सर्वाङ्गीण विकासको पूर्वाधार नै विज्ञान र प्रविधि हो । देश विकासको लागि महत्वपुर्ण पाटोका रुपमा रहेको विज्ञान र प्रविधिसंग सम्वन्धित वैज्ञानिक एवं प्राविधिक विज्ञहरुको बारेमा जानकारी रहनु पनि आजको आवश्यकता हो । वदलिंदो परिस्थिति अनुसार राष्ट्र निर्माणका सन्दर्भमा चाहिने आवश्यक विज्ञहरु स्वदेशमा हुन्छन् वा हुदैनन् । त्यसैगरी विज्ञ जनशक्ति नेपाल सरकारको आवश्यकता अनुसार तत्काल उपलव्ध गराउनको लागि कुन–कुन विषयका वैज्ञानिक र प्राविधिक उपलव्ध छन् भन्ने जस्ता विषयलाई सहज ढङ्गबाट प्राप्त गर्ने उद्धेश्य राखि यस प्रज्ञा–प्रतिष्ठानले नेपालका सरकारी वा गैरसरकारी कार्यालयहरुमा कार्यरत तथा अन्यत्र छरिएर रहेका विज्ञान तथा प्रविधि (प्राकृतिक विज्ञान, चिकित्सा शास्त्र, कृषि विज्ञान, इञ्जिनियरिङ्ग, गणित, सूचना प्रविधि, आदि) विषयबाट विद्यावारिधि प्राप्त वा सो सरह नेपाली वैज्ञानिक एवं प्राविधिकहरु वा विद्यावारिधि सकेर विदेशमा रहेका नेपाली वैज्ञानिक तथा प्राविधिकहरुको व्यक्तिगत विवरण संकलन गर्ने उद्धेश्यका साथ Who is Who in Science and Technology डाइरेक्टरी प्रकाशन गर्न लागेको छ । अतः आवश्यक तथ्याङ्क संकलनार्थ निम्न वमोजिमको ढाँंचा उपलव्ध गराएका छौ । कृपयाः उक्त ढाँंचा वमोजिम विवरण भरि सहयोग गरिदिनु हुन हार्दिक अनुरोघ गर्दछौं ।

Who is Who प्रकाशन समिति, नास्ट, खुमलटार, ललितपुर ।

Download Leaflet